شات حبنا

احمممممممممممممممممممممممممممممممد

منـىىىىىىىىىىىىىىىىىىى

انت فين يا احمــــــــــــــــــــــــــــــــــــــــــــد

انا هنا يا منىىىىىىىىىىىىىىى

- بحبـــــــــــــــــــــــــــــــــــــــــــــــك - مش سااااااااااااااااااااامع كويس قولي تاني

بحبك والله بحبك بحبــــــــــــــــــــــــــــــــــــــــــــــــــك ولاخر يوم في عمري بحبك

انتهي هذا المشهد الملتهب من فيلم لا اذكر اسمه لكنه بالطبع يدور حول اثنين يدعيان احمد ومني ومن الواضح ان بينهما حباً ملتهباً لدرجه

جعلت الدموع تتراقص في حدقات اعيننا ونحن نجلس القرفصاء علي مصطبتنا المعتاده نتناول انفاس الدخان الملتهبه .......

وبانتهاء المشهد بادرنا علام بالحديث قائلاً :- الله يا جماعه علي افلام زمان هو ده الحب ولا بلاش شايفين يا جماعه كانوا بيحبوا بعض ازاااي


انا : اه يا علم اااااااااه بجد احساسهم كان فظيع

دوله : دي كانت ايام ومش حترجع تاني الواحد من دول كان بيقعد تحت شباك ام العيال بالعشر ساعات يستناها لما تتطلع علشان يبص عليها بصه واحده قبل ما يخطبها الكلام ده يجي من خمسه وعشرين سنه

انا : ياااااااااااااااه يا جدعان شفتوا الدلع والحب والرومانسيه والروقان

الدود : حب ايه يا جدعان اللي انتوا بتتكلموا عليه ده انا ابويا اتجوز بنت عمه كان عنده 15 سنه وضرب شهاده تسنين وهي كان عندها 12 سنه تقوموا تقوليلي حب هو ده الحب اللي بجد

انا : حب ايه ده اللي بجد يا دود هو لحق يعرف عنها حاجه ده اتدبس بدري بدري سيدك كان ما مصدق يخلص منه ولا ايه ههههههههههههههههههههههههههههههههه

الدود : اسكت انت وانت ايه اللي فهمك في الحب يا عديم القلب يا اخي حط في عينك حصوه ملح ومتتكلمش ده انت عدو الحب الاول

واكتر واحد شفته بيكره الستات في الدنيا

دوله : اه صحيح الدود عنده حق انت بالذات يا مودي متتكلمش عن الحب ده ابداااااااا


شيتوس : ليه يا جماعه كده بس هو علشان مش شاغل نفسه وملتفت لشغله شويه بكره ربنا يكرمه ويرجعله عقله ونلاقيه جاي يحكيلنا علي اللي بيحبها

علام : مودي هههههههههههههههههههههه قال مودي يحب قال عشم ابليس في الجنه

انا : ما تتلم يا ض وقول كلمه عدله احسنلك بدل ما انتف الشبشب ده علي دماغك

علام : واشمعني كلمتي يعني اللي اتحمقت عليها اوي كده ماهما كلهم بيتكلموا من الصبح ومقولتش انت حاجه علي كلامهم

انا : غورد ياد انت نسيت اللي عملته من كام يوم لما قفشناك في العربيه انت والسنكوحه اللي معاك لو كان ده الحب يبقي يغور مش عاوزه

دوله: ما خلاص يا جماعه مش عاوزين نفتح الموضوع ده تاني علشان منزعلش من بعض

شيتوس : لا نفتحه بمزاجنا ماهو صحيح اللي اختشوا ماتوا

انا : خلاص خلاص يا جماعه خلاص يا علام معلش حقك عليا انا اتنرفزت شويه علشان بالي مشغول بموضوع كده اليومين دول ومش عارف اعمل فيه ايه

علام : لا مفيش حاجه يا مودي حقكم عليا انتم يا جماعه انا اسف لو عاوزني امشي انا ممكن امشي

دوله : لا ولا تمشي ولا حاجه عيب عليك ياراجل ماخلاص احنا نسينا اللي فات المهم اللي جاي ..... الا صحيح يا مودي موضوع ايه اللي شاغلك ده ؟ ما تحكي يا عمنا وقول وفضفض

انا : هو موضوع بخصوص الحب اللي كنا بنتكلم فيه من شويه

شيتوس : انت بتتكلم جد ولا انت عيان ولا ايه

الدود : هههههههههههههههههههه انت يا مودي مصدقش ، انا مديش عقلي لغيري ابداااااااا

اانا : ليه يعني يا جماعه هو انا كنت قلتلكم ان انا قلبي حجر ولا ماليش في الستات ولا ايه

شيتوس : لا مش كده بس انت كنت رافض الحب ده شكلاً وموضوعاً ياتري مين اللي وقعتك يا سيدي دي اكيد قمررر

انا : مش حكايه شكل يا جماعه هي بس مواصفاتها وطباعها انا حبتها اوي لدرجه اني مبقتش قادر افكر في حد الا هي

علام : للدرجادي يا مودي طب ما تديني نمره تليفونها وانا اظبطهالك

انا : تليفون ايه يا منيل علي عينك ولا اعرفه اصلا وبعدين ايه اظبطهالك دي مش تحترم نفسك ياد وانت بتتكلم

علام : ياعم انا غلطانلك انا كنت عاوز اخدم بس

انا : لا يخويا الله الغني عن خدماتك

دوله : كمل انت يا مودي سيبك منه اصله غاوي هذار قولنا بقي عرفتها فين

انا : علي الشات

الدود : ايه الشات ده ؟؟ دي قهوه دي ولا مطعم ولا ايه حوارها ؟

شيتوس : قهوه ايه بس يا دود ده هو اتعرف عليها عن طريق الانترنت وغرف الشات والايميلات

الدود : برده مش فاهم

انا : يا دود انا افهمك الانترنت ده حاجه كده بندخل عليها من علي الكمبيوتر وبنتكلم مع ناس كتير عن طريق الكتابه علي ال كي بورد

الدود : ااااااااااااه سبوره يعني

انا : لالالالالالالالا ياعم برده انت مش فاهم الكيبورد دي لوحه عليها زراير بندوس عليها تكتب اللي عاوزين نقوله وممكن علي الشات برده نكلم اللي قدامنا صوت وصوره

الدود : بتهيالي كده فهمت بس دي انت حبتها ازاي دي

شيتوس : اه صحيح يا مودي ودي حبتها علي اساس ايه ؟

انا : مش عارف يا جماعه احنا بنتكلم بقالنا فتره هو في الاول كنا بنتخانق علي طول ومكناش طايقين بعض لدرجه ان كل واحد فينا حذف ايميل التاني من عنده وخلاص كل واحد راح لحاله بس رجعنا بعد كده نتكلم بالصدفه ومن ساعتها والمعامله كويسه بينا

علام : طب وهي بتحبك ؟؟

انا : ماهو ده اللي غايظني انها مش حاسه بيا خالص او عادي يعي زيي زي اي حد تاني مش فارقه معاها

دوله : وده اسمه كلام طب وانت ايه يابني اللي زانقك علي كده ما تسيبك منها ده كله كلام ميجبش همه

انا : بصراحه بحبها اوي وبستناها كل يوم علشان اكلمها انشالله حتي خمس دقايق


شيتوس : للدرجادي ؟

انا : واكتر والله انا بصراحه مش عارف اعمل ايه

الدود : انا من رايي ان ده كله اوهام انت بس عايش الدور شويه


انا : لا والله يا دود انا عارف نفسي كويس

علام : طب لما انت بتحبها اوي كده طب ما تقولها وشش ولخص في الحوار البت تحب الواد الجريء

انا : ياعم هو انا بشتري قفص خيار بقولك مش فارقه معاها يعني لو قلتلها كده ممكن متكلمنيش تاني

شيتوس : طب وايه يعني يبقي انت قطعت عرق وسيحت دمه وريحت نفسك

دوله : ريح دماغك انت ياد يا مودي وتعالي اجوزك اختي طالما انت مستبيع كده

انا : هههههههههههههههههه ياعم ده انا يزيدني شرف بس بصراحه مقدرش انا بحبها بجد

دوله : ههههههههههههههه انت صدقت ياد ولا ايه ده انا بهذر معاك مانت عارف ان معنديش غير اخت واحده واتخطبت كمان

انا : ههههههههههههههه منا عارف بس بستهبل ربنا يخليهم ليك وتفرح بيهم وباولادهم

الدود : بص يا مودي متزعلش مني بصراحه الموضوع ده مش راكب في دماغي مفيش يبني حب علي النت وكلام من ده دي يبقي اسمها اوهام

شيتوس : وانا من رايك يا دود انت كلامك مظبوط مودي باين عليه موهوم حبتين

علام : انا من رايي ياد تقفش نمرتها وتظبط معاها وتقابلها لو جابت معاك اهو عشلك يومين معاها وكب دماغك من حوارات الحب والكلام ده وشوف نفسك بقي ياواد خليك ناصح لاخوك يبني البنات بتوع النت دول صيده ولازم تستغلها

انا : اخرس ياد خالص هو انت فاكر كل البنات زي الاشكال اللي تعرفها انت مسمعتش عن واحده كويسه ابدا

علام : لا مسمعتش ولو في مش عاوز اعرفها وانا حعمل ايه بالكويسه دي


انا : يعني ده رايكم يا جماعه اني انسي الموضوع يعني اكيد ده مش حب وان دي اوهام مع اني مقتنع بيها جدااااا وبحبها وفي الاخر يا جماعه ردودهم كانت ان الحب علي النت ده وهم ومجرد تضييع وقت

المهم مش حطول عليكم انا عاوز اعرف ايه رايكم في اللي حصل وايه رايكم في الكلام ده وكل قعده وانتم طيبين